Ernest Muçi është shndërruar në qendrën e një operacioni të madh financiar në merkaton turke, me Trabzonsporin që po përgatitet të ushtrojë të drejtën e blerjes së kartonit të tij.
Klubi turk planifikon që shumën prej 1 milion eurosh të paguar për huazimin, t’ia zbresë vlerës totale prej 8.5 milionë eurosh, për të siguruar pronësinë e plotë të talentit shqiptar. Megjithatë, qëndrimi i tij në Trabzon mund të jetë i shkurtër.
Paraqitjet fantastike të Muçit, i cili në 24 ndeshje ka shënuar 13 gola dhe ka dhuruar 6 asiste, kanë rënë në sy të klubeve të Premier Ligës. Sipas raportimeve të fundit, dy klube angleze, emrat e të cilëve mbeten sekret, kanë konfirmuar interesin zyrtar për mesfushorin kuqezi.
Plani i Trabzonsporit është i qartë: të blejë kartonin e Muçit për ta rishitur menjëherë drejt Anglisë për një shifër shumë herë më të lartë, duke përfituar miliona euro nga kjo lëvizje strategjike.
