Tirana po shqyrton seriozisht rikthimin e Orges Shehit në stol pas humbjes në derbi, e cila ka lëkundur pozitat e trajnerit aktual, Ardian Nuhiu.
Drejtuesit bardheblu kërkojnë një kthesë të menjëhershme, duke parë se skuadra ndodhet në një pozicion të vështirë në renditje.
Shehi, i cili e njeh mirë ambientin, mbetet trajneri më jetëgjatë i viteve të fundit te Tirana, duke shpallur ekipin kampion në sezonin 2021-2022 dhe duke fituar Kupën e Shqipërisë një vit më pas.
Aktualisht, kryeqytetasit renditen në vendin e tetë me 21 pikë, vetëm një pikë larg zonës së rënies nga kategoria.
Objektivi i vetëm i klubit për këtë sezon mbetet mbijetesa në elitë, dhe figura e Shehit shihet si garanci për të dalë nga kjo situatë “e ftohtë” e tabelës.
