Situata e Armando Brojës te Burnley është rënduar ndjeshëm pas vendimit të fundit të trajnerit Scott Parker.
Në sfidën kundër Crystal Palace, sulmuesi i Kombëtares shqiptare nuk është përfshirë fare në skuadër, duke mbetur jashtë formacionit dhe jashtë stolit rezervë.
Ky vendim vjen si pasojë e rënies së formës së 24-vjeçarit, i cili javët e fundit kishte humbur vendin e titullarit dhe nuk kishte arritur të linte gjurmë në minutat e aktivizuara.
Për Brojën, ky është një sinjal i qartë se duhet të rinisë gjithçka nga e para për të fituar besimin e stafit teknik.
Ndërkohë, Burnley po kalon një krizë të thellë rezultatesh, duke mbetur një nga kandidatët kryesorë për rënie nga kategoria, gjë që e bën edhe më të vështirë rifitimin e pozicioneve në një ekip që kërkon rezultate imediate.
