Jasir Asani shënoi në fitoren 0-3 të Esteghlal ndaj Al Muharraq, në ndeshjen e raundit të gjashtë dhe të fundit të Grupit A në Champions-in 2 aziatik.
Skuadrës iraniane i duhej patjetër fitorja në transfertë për të siguruar kualifikimin. Esteghlal e arriti objektivin dhe e mbylli grupin në vendin e dytë me 8 pikë, një më shumë se Al Muharraq.
Goli i Asanit u realizua në minutën e 87-të me një goditje nga jashtë zone. Ky ishte goli i tij i dytë në këtë kompeticion.
Sipas “SofaScore”, Asani u vlerësua me notën 7.6. Në kampionat, sulmuesi shqiptar ka shënuar 6 gola në 12 ndeshje. Asani është pjesë e Esteghlalit që nga muaji gusht.
