Vllaznia e vajzave është mundur me rezultatin 7-0 nga Interi në ndeshjen e parë të fazës finale kualifikuese të “Europa Cup”.
Takimi u zhvillua në Milano dhe u dominua plotësisht nga skuadra italiane. Interi zgjidhi ndeshjen që në pjesën e parë, duke shënuar katër gola.
Fillimisht, një autogol i Bajraktarit hapi serinë, ndërsa më pas Wullaert realizoi dopietë dhe Detruyer vulosi fraksionin e parë në 4-0.
Në pjesën e dytë, Interi shtoi epërsinë me golin e Bugeja dhe dy realizime të tjera nga Polli.
Kjo humbje e thellë e vendos Vllazninë përballë një detyre thuajse të pamundur në ndeshjen e kthimit.
Sfida e dytë do të zhvillohet në stadiumin “Loro Boriçi” më 15 tetor, në orën 18:00.
