Milani do të pësojë ndryshime të shumta në këtë merkato vere.
Negociatat për Ardon Jasharin vazhdojnë pasi Club Brugge ende nuk ka dhënë përgjigje, ndonëse Milan ka rritur ofertën në 33.5 milionë euro plus bonuse. Futbollisti ka shprehur dëshirën të luajë vetëm për kuqezinjtë, por belgët po vlerësojnë mundësinë për një shitje në Angli.
Në sulm, vëmendja është te Dusan Vlahovic, një opsion i mundshëm për të cilin duhet gjetur marrëveshja për koston e kartonit dhe pagën, pasi Milani nuk kalon 7 milionë euro për rrogën.
Një tjetër pistë është Guela Doué, por Strasburgu kërkon rreth 30 milionë, ndërsa oferta aktuale është 23 milionë.
Për të mbledhur fonde, Milan ka nisur shitjet: Emerson Royal është zyrtarisht te Flamengo, Colombo pranë Genoas, Bennacer mund të kalojë në Arabinë Saudite ose te Marseille, ndërsa për Adli dhe Chukëueze po punohet për largimin. Objektivi kryesor është riorganizimi i skuadrës dhe balancimi i buxhetit për afrimet e reja.
