Sulmuesi shqiptar Lorent Tolaj është shndërruar në një nga emrat më të lakuar të merkatos, teksa gjiganti skocez, Celtic, ka shprehur interes zyrtar për ta transferuar gjatë verës.
Tolaj po kalon një sezon “magjik” në Angli me ekipin e Plymouth në League One, ku shifrat e tij janë thjesht mbresëlënëse: 14 gola dhe 4 asiste në kampionat, si dhe 4 gola të tjerë në Kupën e Anglisë, duke kapur kuotën e 18 golave në total.
Pavarësisht kësaj forme shpërthyese, emri i tij ende mungon në listat e Kombëtares Shqiptare.
Mbetet për t’u parë nëse këto statistika “vrasëse” do t’i sigurojnë atij një ftesë për takimet e radhës, apo do të humbasë një tjetër talent që po kërkohet nga klubet elitare evropiane.
