Armando Dobra është pa diskutim një nga sulmuesit shqiptar më aktiv në këtë sezon. 24-vjeçari vazhdon shkëlqimin e tij te Chesterfield në Ligën e dytë angleze.
Me golat dhe asistet e tij po udhëheq ekipin drejt rezultateve pozitive. Por sulmuesi shqiptar golin e shënuar ndaj Crawley në fundjavë do ta mbajë mend gjatë.
Kjo pasi 24-vjeçari ka hyrë në historinë e skuadrës angleze. Tashmë Dobra është mes 50 sulmuesve më të mirë të të gjitha kohërave të skuadrës së Chesterfield FC.
Një arritje e rëndësishme për 24-vjeçarin, i cili pa diskutim të tjera rekorde do të vendosë me anglezët.
Gjithsesi pavarësisht paraqitjeve të tij pozitive që ka në Angli, sërish Dobra “injorohet” nga Silvinjo. Me brazilianin që ende nuk i ka dhënë shansin e parë në Kombëtaren A.
