Një lajm i keq ka mbërritur për Silvinjon në prag të ndeshjeve të Kombëtares në muajin shtator.
Pas Ismajlit e Ramadanit, listës së lojtarëve të dëmtuar i është shtuar edhe Kristjan Asllani. Mesfushori kuqezi la fushën përpara kohe në debutimin e sotëm me fanellën e Torinos.
Në përpjekje për të larguar topin, Asllani u rrëzua përtokë pas një kontakti nga pas të njërit prej lojtarëve të Fiorentinës.
Mesfushori shqiptar ndjeu dhimbje në pjesën e pasme të kofshës së tij të djathtë, duke u detyruar të largohej në minutën e 80.
Mbetet për t’u parë nëse kemi të bëjmë me një dëmtim serioz, apo nëse ky lëndim nuk do të ndikojë për ndeshjen kundër Letonisë më 7 shtator.
