Portieri Diant Ramaj është përfolur së fundmi në Kosovë për një mundësi ndryshimi përfaqësueseje, duke hequr dorë nga Gjermania për të luajtur me “dardanët”.
Megjithatë, menaxheri i tij, Jurgen Zhvab, ka mohuar kategorikisht këto zëra. Ai ka deklaruar se Ramaj e ka marrë vendimin dhe nuk do të luajë për Kosovën. Sipas tij, lojtari e respekton interesimin e Federatës së Kosovës, por ka bërë të qartë qëndrimin e vet. Portieri 24-vjeçar mund të përfaqësojë gjithashtu edhe Shqipërinë, për shkak të origjinës së tij.
Aktualisht, ai është titullar në Bundesligë me skuadrën e Heidenheim, ku luan në formë huazimi nga Borussia Dortmund. Ramaj vlerësohet si një prej talenteve më premtues të portës në futbollin gjerman.
