Tirana po përballet me një situatë të vështirë, teksa sezoni aktual e ka gjetur ekipin larg pritshmërive dhe me rrezikun e rënies nga kategoria.
Pas ndryshimeve të shumta të trajnerëve gjatë vetëm tre muajve, klubi ka vendosur të nisë rindërtimin e skuadrës.
Një pjesë e lojtarëve pritet të largohen brenda dhjetorit dhe disa prej tyre kanë arritur marrëveshje me klubin për ndërprerjen e kontratës. Të tjerë futbollistë nuk kanë pranuar largimin dhe po qëndrojnë mbi bazën e kontratave ekzistuese.
Klubi duhet të ndërhyjë në merkato, pasi deri në janar kërkohen të paktën dhjetë afrime cilësore. Situata e brendshme konsiderohet e paqëndrueshme dhe procesi i rindërtimit pritet të jetë i vështirë. Tirana synon të stabilizojë skuadrën për pjesën e mbetur të kampionatit.
