Fenerbahçe barazoi 1–1 me Galatasaray falë golit të Duran në minutat shtesë, duke u hequr rivalëve të përjetshëm mundësinë për tu shkëputur në krye të kampionatit.
Ndeshja ishte e tensionuar dhe zgjati mbi 100 minuta, me të dyja ekipet që u përpoqën të menaxhonin presionin. Galatasaray kaloi e para në avantazh në minutën e 27-të me një goditje të Sane, e cila ndryshoi trajektore pas një devijimi.
VIDEO, SHIKONI RASTET DHE GOLAT: https://vetemsport.com/fenerbahce-galatasaray-golat-dhe-rastet/
Fenerbahçe kërkoi vazhdimisht barazimin dhe pati një gol të anuluar në fund të pjesës së parë. Përpjekjet e skuadrës vendase u shpërblyen në minutën 90+5, kur Duran realizoi me një goditje me kokë.
Me këtë rezultat, diferenca midis dy ekipeve mbetet vetëm një pikë, me Galatasarayn që mbetet në vendin e parë. Trabzonspor qëndron gjithashtu pranë kryesuesve, dy pikë larg vendit të parë.
