Lajme negative vijnë për Takumi Minaminon, i cili ka pësuar dëmtim të rëndë në gju. Anësori japonez i Monacos ka këputur ligamentin e kryqëzuar të përparmë në gjurin e majtë.
Si pasojë, ai pritet të mungojë për pjesën e mbetur të sezonit. Dëmtimi u regjistrua gjatë ndeshjes ndaj Auxerre në Kupën e Francës.
Minamino u detyrua të largohej nga fusha me barelë gjatë pjesës së dytë të takimit. Ekzaminimet mjekësore konfirmuan seriozitetin e dëmtimit.
Për shkak të këtij dëmtimi, ai nuk do të jetë i gatshëm as për Kampionatin Botëror 2026. Minamino ka qenë një element i rëndësishëm si për Monacon ashtu edhe për përfaqësuesen e Japonisë.
