Klubi i Teutës ka finalizuar transferimin e sulmuesit nigerian Anthony Umejiego.
Sipas raportimeve të fundit, lojtari, i cili luante për Apoloninë, ka firmosur me klubin durrsak pas një marrëveshjeje mes të dy klubeve.
Për të siguruar transferimin e menjëhershëm, dhe jo në qershor në fund të kontratës, Teuta ka paguar 30 mijë euro. Umejiego konsiderohet një lojtar i rëndësishëm për repartin ofensiv të klubit për shkak të forcës fizike dhe aftësive për shënim.
Ky veprim bëhet në kuadër të përforcimit të skuadrës për pjesën e mbetur të sezonit. Nga ana tjetër, Apolonia ka përfituar një kompensim financiar për një lojtar në fund kontrate. Umejiego transferohet në një klub me ambicje më të larta në Superligën shqiptare.
