Klisman Cake ka mbyllur një vit të suksesshëm në planin individual. Qendërmbrojtësi debutoi për kombëtaren shqiptare më 14 tetor.
Ai është një nga elementët kryesorë të Shkëndijës Tetovë dhe një nga lojtarët më të rëndësishëm në kampionatin e Maqedonisë së Veriut.
Cake është produkt i akademisë së Tiranës dhe e ka zhvilluar karrierën tek skuadra tetovare. Sipas raportimeve të “xmksport”, disa klube të Premier Ligës ruse kanë shprehur interes për lojtarin.
Nuk janë njoftuar emra të veçantë të klubeve. Një bashkëkombas i tij, sulmuesi Mirlind Daku, aktualisht luan për Rubin Kazan në Rusi.
