Partizani-Teuta
Teuta vijon lëvizjet në merkato me synimin për të forcuar ekipin. Pas afrimeve të deritanishme, klubi durrsak është pranë një tjetër transferimi.
Bëhet fjalë për mesfushorin ofensiv polak, Jakub Myszor. Sipas mediave polake, lojtari 23-vjeçar është afër kalimit në Superiore. Aktualisht, kartoni i tij zotërohet nga Rakow, me të cilin ka kontratë deri në dhjetor të këtij viti.
Teuta po negocion me klubin polak për arritjen e një akordi për transferimin. Myszor shihet si një përforcim në repartin ofensiv të skuadrës.
