Egnatia ka realizuar një tjetër shitje në këtë merkato vere. Bëhet fjalë për Regi Lushkjan, i cili ka mbyllur aventurën me kampionët e Shqipërisë.
Në njoftimin e klubit rrogozhinas, thuhet se është arritur marrëveshja për shitjen e lojtarit te skuadra e Tractor në Iran.
Mësohet se në arkat e Egnatias janë paguar 300 mijë euro, për ta lënë të lirë lojtarin.
Në kampionatin iranian, Lushkja do të gjejë edhe Jasir Asanin. Sulmuesi i Kombëtares kompletoi pak ditë më parë transferimin te skuadra e Esteghlal.
