Lazio ka marrë dritën jeshile për të operuar normalisht në merkato gjatë sesionit dimëror.
Komisioni i pavarur që mbikëqyr financat e klubeve italiane ka konstatuar se kryeqytetasit kanë respektuar të gjithë parametrat e kërkuar financiarë.
Në veçanti, raporti mes kostos së zgjeruar të punës dhe të ardhurave ka qenë nën kufirin 0.8. Pas bllokimit të merkatos në verë, trajneri Maurizio Sarri tani mund të planifikojë përforcime së bashku me klubin.
Edhe Como ka sistemuar situatën financiare përmes një rritjeje kapitali. Në të kundërt, Napoli dhe Pisa kanë tejkaluar pragun 0.8. Për këtë arsye, të dyja klubet do të duhet të veprojnë në merkato me bilanc zero.
