Mohamed Salah nuk do të luajë në “San Siro” kundër Interit. Grindja e tij me Arne Slot pas barazimit kundër Leeds i kushtoi egjiptianit grumbullimin për ndeshjen e Ligës së Kampionëve.
Trajneri holandez dhe drejtuesit e klubit vendosën të merrnin masa të ashpra ndaj ish-lojtarit të Romës, duke e lënë jashtë pavarësisht një ndeshjeje shumë të rëndësishme dhe vendimtare.
Salah mori pjesë në seancën e fundit stërvitore, duke u dukur i buzëqeshur, dhe është e qartë se ky ishte një vendim ndëshkues, jo teknik apo fizik.
Kujtojmë se pas barazimit me Leeds, Salah kritikoi trajnerin Slot dhe klubin për mosaktivizimin e tij.
