Fiorentina po reflekton për të ardhmen e trajnerit Paolo Vanoli, pas humbjes në shtëpi ndaj Hellas Verona, e nënta në 15 javë të Serie A. Situata skuadrës konsiderohet e vështirë dhe drejtuesit kanë nisur diskutimet për të vlerësuar edhe pozicionin e trajnerit.
Ndërkohë, ekipi është dërguar në grumbullim pa afat, në përpjekje për të ndryshuar ecurinë, duke nisur nga ndeshja e radhës në kampionat ndaj Udineses. Para kësaj sfide, Fiorentina do të luajë edhe transfertën e Conference League ndaj Losannës.
Vanoli ka grumbulluar vetëm dy pikë në pesë ndeshje në krye të skuadrës, me tre humbje radhazi në kampionat. Përveç rezultateve, atij i është vënë në diskutim edhe qasja taktike, veçanërisht në fazën mbrojtëse. Sipas raportimeve nga Italia, presidenti Comisso po mendon edhe rikthimin e Stefano Piolit, i cili u largua pak javë më parë, por ka ende kontratë deri në vitin 2028 me skuadrën nga Firence.
Në pritje të një vendimi përfundimtar, po qarkullojnë disa emra si alternativa të mundshme, si Ballardini, Carmine Gautieri dhe Giuseppe Iachini.
