Janë mbyllur dy ndeshjet e Kategorisë së Parë, të vlefshme për javën e gjashtë.
Laçi u ndal në shtëpi nga Apolonia, në një barazim 1-1. Kurbinasit kaluan të parët në avantazh me Nergutin, por miqtë barazuan me Trifonin në minutën e 73-të.
Kurbinasit humbasin terren me kryesuesit dhe mbeten në vendin e dytë me 10 pikë, ndërsa Apolonia me një pikë më pak mban vendin e tretë.
Në duelin tjetër, Pogradeci u mposht 3-2 në shtëpi me Luftëtarin. Ndeshja nisi malore për liqenorët që pësuan dy gola të shpejtë.
Pjesa e parë u mbyll me avantazhin 2-1 të gjirokastritëve, ndërsa te Pogradeci u ndëshkua me të kuq Pere. Edhe pse në inferioritet numerik, juglindorët ia dolën të barazojnë shifrat në fraksionin e dytë.
Megjithatë, në fund, Luftëtari shënoi golin e tretë dhe të fitores, për tu larguar me 3 pikë nga Pogradeci.
