Vllaznia triumfoi 3-1 ndaj Tiranës, në klasiken e futbollit shqiptar. Dueli i javës së 26-të, nisi me një atmosferë elektrizuese në Shkodër, ku vendasit kishin një mbështetje të madhe.
Tirana kaloi e para në avantazh. Pas një aksioni të shpejtë, Xhixha zhbllokoi takimin në minutën e 26-të, duke bërë që të pllakosë heshtja në “Loro Boriçi”.
Reagimi i Vllaznisë ishte i menjëhershëm. Vetëm 6 minuta më vonë, Bismark riktheu baraspeshën, me rezultatin 1-1, që u mbyll edhe pjesa e parë.
SHIKONI GOLAT E SHËNUAR:
Në startin e fraksionit të dytë, Vllaznia gjeti menjëherë avantazhin, pas një autogoli të Cortes.
Në minutën e 71-të, Bekim Balaj, vulosi takimin, duke shënuar me penallti për 3-1. Me këtë sukses, Vllaznia rikthehet te suksesi dhe mban vendin e parë me 51 pikë, ndërsa Tirana mban vendin e nëntë me 21 pikë të grumbulluara.
Në stolin e bardhebluve debutoi trajneri Orges Shehi, i cili e nis me humbje dhe e pret një punë e vështirë përpara.
