Te Partizani, përveç afrimeve, po diskutohet edhe për një largim të mundshëm. Për mbrojtësin senegalez Saliu Sembene ka interes nga La Liga 2 në Spanjë, sipas “Panorama Sport”.
23-vjeçari ka spikatur me paraqitjet e tij sezonin e kaluar në kampionat dhe Europë, duke u vlerësuar për stabilitetin në prapavijë. Për këtë arsye, në klub ka mbërritur një ofertë e rëndësishme, ndonëse emri i skuadrës nuk bëhet i ditur.
Partizani nuk përjashton një transferim, por kërkon që oferta të jetë e duhura. Sembene është pjesë e të kuqve prej katër vitesh dhe shihet si një element i rëndësishëm në mbrojtje.
Ai e tregoi këtë edhe në ndeshjen e fundit me Vorën, ku skuadra fitoi 1-0. Vendimi për të ardhmen e tij pritet në ditët në vijim, ndërsa merkato e Partizanit mbetet aktive si në hyrje, ashtu edhe në dalje.
