Para ndeshjes me Egnatian kishte pasiguri për zgjedhjen e portierit te Vllaznia, mes Leon Pohls dhe Aron Jukajt. Fillimisht dukej se gjermani i afruar këtë verë ishte favorit, por trajneri Martini vendosi të aktivizojë 20-vjeçarin shkodran.
Jukaj ishte titullar në pjesën e dytë të sezonit të kaluar dhe gjithashtu mbrojti portën në dy ndeshjet e “Conference League” këtë verë ndaj Vikingur. Vendimi i stafit teknik rezultoi i saktë, pasi ai tregoi siguri dhe u bë vendimtar në disa momente të vështira.
Portieri arriti ta mbajë portën të paprekur dhe ndihmoi skuadrën të niste sezonin 2025-26 në mënyrë pozitive. Rivaliteti për katërkëndorin kuqeblu duket se do të vazhdojë gjatë gjithë edicionit.
Pohls pritet të presë shansin e tij, ndërsa Jukaj ka treguar se nuk e lëshon lehtë vendin e titullarit. Për momentin, Jukaj është i zgjedhuri i stafit teknik, për të ardhmen nuk i dihet.
