Tirana ka ndërprerë bashkëpunimin me trajnerin Vangjel Mile pas vetëm dy javësh në drejtimin e skuadrës në kampionat.
Klubi bardheblu ka vendosur të afrojë një trajner më me përvojë, duke firmosur me italianin Roberto Bordin. Ky i fundit ka drejtuar më parë Elbasanin për disa javë në sezonin e kaluar dhe njeh futbollin shqiptar.
Sipas “Panorama Sport”, përkrah tij do të jetë si asistent Marko Veroneze, i cili ka një eksperiencë të mëparshme në Shqipëri si ndihmës i Xhani De Biazit në Kombëtare. Veroneze ka qenë gjithashtu pjesë e stafit të De Biazit edhe te Deportivo Alaves në Spanjë.
Më pas ka drejtuar skuadra në akademi të ndryshme në Itali, ndërsa së fundmi ka qenë trajner i Ceahalul Piatra Neamt në Rumani. Me afrimin e tij, ai kthehet në Shqipëri pas tetë vitesh. Stafi i ri pritet të ndihmojë Tiranën në vazhdimin e sezonit.
