Klubi i Partizanit ka arritur marrëveshjen me sulmuesin anësor, David Fadairo, vetëm pak orë pas ndërprerjes së bashkëpunimit të lojtarit me Teutën.
25-vjeçari, i cili ishte një pikë kyçe e durrsakëve në pjesën e parë të sezonit, pritet të zyrtarizohet te “Demat” brenda pak ditësh.
Gjatë aventurës së tij me Teutën, Fadairo u aktivizua në 19 ndeshje kampionati, ku kontribuoi me 4 asiste për shokët e skuadrës.
Me afrimin e tij dhe të Laorent Shabanit, stafi teknik i Partizanit blindon krahët e sulmit, duke rritur konkurrencën dhe opsionet ofensive për pjesën e mbetur të kampionatit.
