Klubi i Partizanit është shumë pranë mbylljes së marrëveshjes me futbollistin Laorent Shabani. 26-vjeçari, i cili mbulon të dy krahët e sulmit, pritet të jetë një nga dy përforcimet e fundit të të kuqve në këtë afat kalimtar.
Shabani vjen nga një përvojë e gjatë në kampionatin suedez, ku së fundmi ishte pjesë e IFK Norrkoping.
LEXO EDHE: Lëvizje surprizë, Partizani rrëmben sulmuesin e larguar nga rivalët
Me mbylljen e bashkëpunimit me klubin suedez në dhjetor, ai është aktualisht lojtar i lirë, çka ka lehtësuar bisedimet me drejtuesit kryeqytetas.
Gjatë dy sezoneve të fundit, ish-lojtari i Kombëtares U-21 ka shënuar 8 gola në 28 ndeshje, duke treguar një produktivitet të lartë.
Ndonëse emri i tij u lakua edhe te Teuta, Partizani duket se ka fituar garën për shërbimet e tij, duke i ofruar trajnerit një element me shpejtësi dhe eksperiencë ndërkombëtare.
