Kombëtarja shqiptare u mposht 0-2 nga Anglia në stadiumin “Air Albania”, në ndeshjen e fundit për kualifikueset e Botërorit.
Kuqezinjtë kanë mbyllur me humbje një rrugëtim pozitiv, që kulmoi me kualifikimin historik në “play off”.
Ndaj anglezëve, Shqipëria tregoi një paraqitje të mirë, në pjesën e parë, por edhe në fillimin e së dytës.
Fraksioni i parë u mbyll pa gola, pavarësisht rasteve në të dyja portat. Fraksioni i dytë, nisi me mundësi të mira për Hoxhën dhe Bajramin, që nuk i shfrytëzuan si duhej.
Ndeshja u zhbllokua në minutën e 74-t, kur Harry Kane përfitoi nga një goditje këndi dhe zhbllokoi sfidën. Tetë minuta më vonë, sulmuesi shënoi edhe të dytin me kokë, pas një krosimi të marrë nga Rashford.
Shqipëria i mbyll kualifikueset në vendin e dytë me 14 pikë, ndërsa Anglia kualifikohet në Botëror si kryesuese me 24 pikë, por pa pësuar asnjë gol.
SHQIPËRI-ANGLI 0-2
KOMENTI
Mbyllet sfida!
93’- Pranë golit të tretë Harry Kane. Tentativa e tij devijohet nga Ismajli.
90’- Akordohen 5 minuta shtesë.
89’- Probleme serioze për Armando Brojën. Sulmuesi nuk vazhdon dot lojën dhe shpërthen në lot, për shkak të dhimbjeve. Largohet me barelë.
82’- Gol Anglia 0-2! Shënon sërish Harry Kane. Sulmuesi nuk fal me kokë dhe e ndal topin në fundin e rrjetës.
81’- Mundësi e mirë për Gjimshitin, tentativa me kokë nga mbrojtësi shkon mbi portë.
79’- Shkëputje e bukur e Armando Brojës. Ndalet në mënyrë të gabuar nga Bellingham, i cili ndëshkohet me karton të verdhë.
75’- Zëvendësim te Shqipëria. Largohet Nedim Bajrami dhe futet Armando Broja.
74’- Shënon Anglia 0-1! Zhbllokohet sfida. Harry Kane përfiton nga një goditje këndi dhe shënon golin e avantazhit.
47’- Aksion i shkëlqyer nga e djathta. Bajrami pason te Balliu, mbrojtësi pason në zonë, por gjuajtja e Laçit është shumë e lehtë.
45′- Starton pjesa e dytë.
Mbyllet pjesa e parë!
45’- Akordohet 1 minutë shtesë.
42’- Strakosha ndal një tjetër gjuajtje të Rice. Akordohet pozicion jashtë loje.
37’- Tjetër tentativë e miqve. Quansah gjuan me kokë, por pret Strakosha.
36’- Asllani nuk shfrytëzon një top në zonë. Në kundërsulm, Anglia i afrohet golit. Strakosha me një pritje vendimtare mban portën e paprekur.
35’- Krosim i Rice në zonë, Kane tenton ta kthejë por e humbet. Asllani largon rrezikun.
31’- Vazhdon momenti i mirë i Shqipërinë. Hoxha tenton të mbyllë aksionin me Uzunin dhe fiton këndore në fund.
29’- Mundësi e mirë për Shqipërinë. Lëvizje e bukur nga e djathta, ku Bajrami pason për Laçin në zonë. Mesfushori e kthen për Uzunin, i cili nuk e kontrollon dot. Arbitri akordon pozicion jashtë loje.
25’- Ivan Balliu futet në fushë, merr vendin e Hysajt.
24’– Elseid Hysaj shfaq probleme dhe nuk vazhdon dot lojën. Kërkon zëvendësimin.
18’- Mundësi e shkëlqyer për Shqipërinë. Hoxha ndalet në hyrje të zonës, Hysaj në vazhdim të aksionit lëshon një gjuajtje të bukur nga jashtë zone, por shkon mbi traun e portës.
16’- Tjetër tentativë e Declan Rice. Gjuajtja e mesfushorit shkon mbi traun e portës.
12’- Tjetër goditje këndi për anglezët. Ramadani largon në këndore një top nga këmbët e Declan Rice.
7’- Zbritje e shpejtë e Anglisë. Kane tenton të mbyllë aksionin me Rice, por ndalin Ismajli dhe Strakosha.
5’- Goditja e parë nga këndi për Shqipërinë. Hoxha lëviz bukur nga e majta dhe fiton këndore. Kroson Asllani, por largohet topi nga Bowen.4’- Vjen goditja e parë në portë. Provon Declan Rice, por ndal Thomas Strakosha pa shumë vështirësi.
1’- Menjëherë në sulm Anglia. Vjen goditja e parë nga këndi, por pa rrezik.
Starton dueli në “Air Albania”.
