Klubi i Pogradecit vazhdon përforcimin e skuadrës për pjesën e mbetur të sezonit në Kategorinë e Parë, duke zyrtarizuar edhe dy afrime të reja.
Pas pesë lojtarëve të prezantuar më parë, liqenorët kanë arritur marrëveshjen me portierin Elmadin Mamadov dhe sulmuesin Jose Reyes.
Mamadov, 30-vjeçari me origjinë nga Azerbajxhani, rikthehet në futbollin shqiptar pas përvojës së tij të mëparshme me ekipin e Luftëtarit.
Nga ana tjetër, Reyes vjen nga Venezuela si lojtar i lirë për të përforcuar repartin ofensiv, ku mund të luajë në të dyja krahët e sulmit.
Këto lëvizje tregojnë synimin e drejtuesve për të rritur konkurrencën në grup, pasi kujtojmë se Pogradeci, është një nga pretendentët për tu ngjitur në Superiore, së bashku me Skënderbeun dhe Laçin.
