Ndeshja mes Lushnjës dhe Burrelit në Kategorinë e Parë u shoqërua me momente tensioni dhe kontestime ndaj gjykimit.
Takimi u vendos nga një gol i vetëm i shënuar nga ekipi mik, por vëmendjen e morën episodet brenda fushës dhe në shkallët e stadiumit.
Lushnja pretendoi për një penallti pas një goditjeje të Fjoralb Deliajt, që u konsiderua si prekje e topit me dorë, por arbitri Gerard Çokaj lejoi lojën të vazhdonte, në minutën e 8-të. Kjo solli reagimin e trajnerit Artan Bano, i cili hyri në fushë në shenjë proteste.
Një tjetër moment i veçantë u regjistrua në minutën e 75-të, kur sulmuesi Mikel Canka pati një përplasje verbale me tifozët vendas. Ai harroi ndeshjen dhe shkoi te tribuna për tu përplasur me tifozët.
Më herët, në fillimin e pjesës së dytë, 38-vjeçari humbi një 11-metërsh të cilin e kishte fituar vetë. Ndeshja përfundoi me rezultatin 0-1, duke lënë lushnjarët pa pikë në këtë përballje. Rezultati i jep tri pikë të rëndësishme Burrelit në renditje.
