Sezoni i ri ka nisur, por Manchester United duket si ai i edicionit të kaluar. “Djajtë e Kuq” regjistruan ndeshjen e dytë pa fitore, në po kaq ndeshje të zhvilluara.
Pas humbjes ndaj Arsenal në javën e parë, United nuk shkoi më shumë se barazimi 1-1 ndaj Fulham në transfertë.
Pjesa e parë e ndeshjes u mbyll me rrjeta të paprekura, me miqtë që shpërdoruan një penallti me Bruno Fernandes.
Një autogol i Rodrigo Muniz në minutën e 58-të, i dha avantazhin Manchester United. Megjithatë vendasit ia dolën të barazojnë në minutën e 73-të me Smith Rowe.
Rezultati nuk ndryshoi deri në fund dhe ekipet u detyruan të ndajnë nga një pikë mes tyre. /tvklan.al
