Pas fitores me Chelsea-n, Manchester United është rikthyer te humbjet në kampionat.
“Djajtë e Kuq” u mposhtën 3-1 në transfertë nga Brentford, në një ndeshje shumë të luftuar. Vendasit e nisën furishëm ndeshjen, duke shënuar dy gola të shpejtë me Thiago-n, në minutat 8 dhe 20.
Miqtë reaguan me Sesko, që ngushtoi diferencat në minutën e 26-të. Bruno Fernandes kishte mundësinë për të barazuar në minutën e 76-të, por shpërdoroi një penallti.
Në fund, ishte Jensen që vulosi takimin me golin e tretë të shënuar. Me këtë humbje, United zbret në vendin e 13-të me 7 pikë, ndërsa Brentford mban vendin e 11-të me po kaq pikë.
