Është mbyllur java e 18-të dhe e fundit për këtë vit në kampionatin “Abissnet Superiore”.
Vllaznia u rikthye te fitorja në kampionat, pasi mposhti Flamurtarin në stadiumin “Loro Boriçi” me rezultatin 3-2.
SHIKONI RENDITJEN: RENDITJA NË SUPERIORE https://vetemsport.com/java-e-12-superiore-renditja/
Ndeshja mes AF Elbasanit dhe Tiranës, e luajtur në “Elbasan Arena”, u mbyll në barazim 1-1.
Vora triumfoi ndaj Bylisit në “Selman Stërmasi” me rezultatin e thellë 4-1.
Dinamo City fitoi ndaj Partizanit në transfertë me shifrat 3-1. Po në transfertë triumfoi edhe Egnatia, që mposhti Teutën me rezultatin minimal 1-0.
Për kampionët e Shqipërisë kjo ishte fitorja e katërt radhazi dhe e mbyllin fazën e dytë të kampionatit në krye të renditjes me 37 pikë.
AF Elbasani renditet në vendin e dytë me 33 pikë, ndërsa Dinamo City mban vendin e tretë me 32 pikë. Vllaznia pozicionohet në vendin e katërt me 30 pikë.
