Pas një nisjeje të zhgënjyese të sezonit në Championship, pas rënies nga Premier League sezonin e kaluar, Leicester City po konsideron të aktivizohet fuqishëm në merkaton e janarit. Klubi po kërkon të përforcojë skuadrën për të synuar rikthimin në elitën e futbollit anglez, duke parë se disa zona ende kanë nevojë për lojtarë shtesë.
“Dhelprat” kanë një përbërje të fortë dhe të ekuilibruar në të gjitha repartet, por ende u mungon kreativiteti në fazën sulmuese. Për këtë arsye, ata janë të gatshëm të provojnë vendosmërinë e Bristol City për të mbajtur sulmuesin kyç, Anis Mehmeti.
Sulmuesi shqiptar ka shënuar pesë gola dhe ka dhënë gjashtë asistime këtë sezon me Bristol City, duke tërhequr vëmendjen e shumë klubeve. Me kontratë deri në verën e ardhshme, nuk është çudi që Mehmeti të transferohet te Leicester në janar, me shpresën që të nisë sezonin e ardhshëm në Premier League.
Në moshën 24-vjeçare, Mehmeti ka fituar një bazë të fortë tifozësh në Angli, por ende nuk ka bindur trajnerin Sylvinho për të rikthyer në Kombëtare.
Vlen të kujtohet se Leicester ishte fitues i Premier League në sezonin 2015-16, me Claudio Ranieri në stol, duke lënë një trashëgimi historike për klubin.
