Mesfushori i Kombëtares shqiptare, Qazim Laçi, vijon të jetë protagonist në Turqi.
Në ndeshjen e raundit të 16-të të Superligës, Rizespor fitoi 3-0 ndaj Eyupspor, duke marrë tri pikë të rëndësishme.
Laçi zhbllokoi takimin duke shënuar golin e parë nga pika e penalltisë. 29-vjeçari u tregua i saktë, duke mposhtur portierin Marcos Felipe në fundin e pjesës së parë.
Ky gol i dha avantazh dhe qetësi skuadrës së Rizesporit para pushimit. Në pjesën e dytë, Akaydin realizoi golin e dytë, që i dha më shumë siguri vendasve. Më pas erdhi edhe goli i tretë, që vulosi rezultatin përfundimtar. Për Laçin, ndeshja u shoqërua edhe me një karton të verdhë në minutën e 58-të, që e bën atë të mungojë në sfidën e radhës.
