Armando Broja nuk ka pasur shumë minuta në këtë fillim sezoni me Burnley.
Sulmuesi i kombëtares shqiptare ka luajtur gjithsej 65 minuta në katër ndeshje, kryesisht në Carabao Cup.
Në Premier League ai është aktivizuar vetëm për dy minuta në sfidën ndaj Liverpool. Sot pritet të ketë një mundësi më të madhe, pasi trajneri Scott Parker mendohet ta aktivizojë si titullar.
Burnley do të përballet me Cardiff në 1/16-at e Carabao Cup. Ndeshja shihet si një rast i mirë për Brojën që të tregojë vlerat e tij. Mediat britanike raportojnë se stafi teknik e sheh këtë sfidë si mundësinë e duhur për të fituar formë dhe besim.
Për sulmuesin shqiptar ky mund të jetë një hap i rëndësishëm për të siguruar më shumë minuta në vazhdim.
