Momente paniku u regjistruan në “Tardini” në minutat shtesë të ndeshjes mes Parmës dhe Fiorentinës, e mbyllur me fitoren minimale të vendasve.
Sulmuesi i Fiorentinës, Roberto Piccoli, pësoi një goditje në kraharor pas një përplasjeje të fortë në lojë. Futbollisti mbeti i shtrirë në fushë për disa minuta.
Situata krijoi shqetësim te lojtarët e të dyja skuadrave dhe te tifozët në tribunë. Stafi mjekësor i Fiorentinës ndërhyri menjëherë, i ndihmuar edhe nga mjekët e Parmës.
Pas kontrolleve të para, Piccoli u ngrit në këmbë. Ai e la fushën pa ndihmë mjekësore. Dalja e tij u shoqërua me duartrokitjet e gjithë stadiumit.
