Torino ka shfaqur interes për Kristjan Asllanin. Sipas TMW, klubi po e shqyrton mundësinë e afrimit të tij, duke e parë si përshtatje për një formacion 4-3-3.
Asllani kërkon ndryshim për të gjetur më shumë stabilitet dhe minuta loje. Torino shihet si opsion i favorshëm, sidomos nëse trajneri Marko Baroni do ta vendoste në qendër të mesfushës.
Për mesfushorin ka interes edhe nga klube të tjera si Fiorentina dhe Bologna.
Aktualisht nuk ka pasur ende kontakt zyrtar mes Torinos dhe Interit. Ideja për transferimin vjen nga drejtori sportiv Davide Vagnati, i cili po kompleton skuadrën për sezonin e ri të Serie A me synim zonën europiane.
Në rast transferimi, Asllani do të bashkohej te Torino me Ardian Ismajlin.
