Kristi Qarri mund të mos jetë më pjesë e Vllaznisë në sezonin e ri. Gardiani 24-vjeçar është shumë pranë largimit nga Shkodra, pas mbërritjes së portierit gjerman Leon Pohls, i cili është afruar për të marrë rolin e titullarit mes shtyllave.
Sipas raportimeve, ardhja e Pohls ka krijuar një situatë të re në portën kuqeblu, duke ngushtuar ndjeshëm hapësirat për Qarrin, i cili sezonin e kaluar ishte titullar deri në momentin kur u dëmtua. Konkurrenca e shtuar duket se e ka shtyrë portierin të shqyrtojë alternativa të tjera, ku mund të ketë më shumë minuta në fushë.
LEXO EDHE: Tirana nuk ndalet në merkato, gati dy afrime të tjera
Aktualisht nuk ka ende një marrëveshje zyrtare me ndonjë klub tjetër, por interesimi nuk mungon, dhe emri i Qarrit është përmendur në disa pista të mundshme. E ardhmja e tij pritet të qartësohet në ditët në vijim.
