Trajneri i Shqipërisë, Silvinjo, publikoi këtë të premte, 7 nëntor, listën e lojtarëve, që do të jenë të grumbulluar për dy ndeshjet kualifikuese ndaj Andorrës dhe Anglisë.
Tekniku kuqezi ka dalë në konferencë për shtyp, ku sqaron zgjedhjet e tij, në ato që mund të quhen edhe si dy finale për kualifikimin e mundshëm në Botëror.
Grumbullimi i Kombëtares nis të hënën, më 10 nëntor, në Barcelonë, ku kuqezinjtë do të përgatiten për ndeshjen ndaj Andorrës, e cila do të luhet më 13 nëntor në stadiumin “Estadi FAF Encamp”, në orën 20:45.
Sfida e fundit e kuqezinjve në këto kualifikuese do të zhvillohet më 16 nëntor, në stadiumin “Air Albania”, ndaj Anglisë, në orën 18:00.
