Kryeministri Edi Rama ka njoftuar për ndërtimin e një stadiumi të ri në Kamëz, Valias. Impianti po ngrihet sipas standardeve ndërkombëtare të IFAB/FIFA.
Projekti është ndërmarrë me nismën e kryebashkiakut Rakip Suli në bashkëpunim me Federatën Shqiptare të Futbollit. Fusha sportive do të ketë një sipërfaqe prej 8 mijë e 30 metra katrorë. Kapaciteti i stadiumit parashikohet të jetë 3 mijë vende për tifozët.
Objektivi është të krijohen kushte të përshtatshme për zhvillimin e ndeshjeve zyrtare.
Po ashtu, stadiumi do të shërbejë për aktivitete sportive të nivelit kombëtar dhe ndërkombëtar. Punimet vijojnë aktualisht në kantierin e ndërtimit.
