E ardhmja e Rey Manajt do të jetë në Lindjen e Mesme, pasi ai pritet të transferohet te Al Sharjah në Emiratet e Bashkuara Arabe.
Sivasspor ka pranuar një ofertë prej 2 milionë euro dhe marrëveshja është në prag të mbylljes. Paga që do të përfitojë Manaj do të jetë 2.5 milionë euro në sezon, një rritje e ndjeshme krahasuar me të kaluarën.
Sulmuesi shqiptar do të ketë shok skuadre Fetah Fetahun. Pas një sezoni të suksesshëm në aspektin personal në Turqi, Manaj u përjashtua nga skuadra për shkak të përplasjeve me stafin teknik. Duke qenë se i kishte mbetur vetëm një vit kontratë, drejtuesit vendosën ta shesin.
Me 34 gola në 63 ndeshje, Manaj u largua si një ndër lojtarët më produktivë të Sivassporit.
