Liverpool ka qenë një nga klubet më aktivë në merkaton e verës 2025, duke shpenzuar mbi 300 milionë euro për të afruar Florian Wirtz, Hugo Ekitike, Milos Kerkez dhe Jeremie Frimpong. Megjithatë, klubi anglez nuk e ka mbyllur ende fushatën e transferimeve dhe synon të afrojë sulmuesin suedez Alexander Isak nga Newcastle.
Pavarësisht se kanë një repart të kompletuar, “Reds” kanë bërë një ofertë prej 138 milionë eurosh plus bonuse për Isak. Newcastle e ka refuzuar këtë propozim. Megjithatë Liverpool pritet të rikthehet me një ofertë të re.
Isak ka shprehur dëshirën për t’u larguar dhe aktualisht stërvitet me Real Sociedad për të ruajtur formën. Klubi i Newcastle kërkon ta mbajë lojtarin me një rritje page dhe një klauzolë largimi për verën e ardhshme, raporton Cna. Situata mbetet e hapur, me Liverpool që mbetet i vendosur për të siguruar shërbimet e sulmuesit 25-vjeçar.
