Partizani është pranë nënshkrimit me mesfushorin kenian Amos Nondi, 26 vjeç, i cili luan kryesisht si numër 6 para mbrojtjes. Ai është pjesë e Kombëtares së Kenias dhe së fundmi ka qenë te Ararat-Armenia, ndërsa më parë ka luajtur në Gjeorgji dhe e ka nisur karrierën te Gor Mahia Nairobi. Nondi është lojtar polivalent, i aktivizuar edhe në role të tjera në mesfushë dhe mbrojtje.
Mesfushorit të Kenias i doli emri në Francë përgjatë kësaj vere. Pikërisht te Paris FC, që do të luajë në elitë. Në Afrikë raportuan për bisedimet mes palëve. Te Partizani ndërkohë pritet të luajë një rol të rëndësishëm.
Transferimi i tij mund të zyrtarizohet këtë javë, bashkë me afrimin e Rouen Hjumen, pas vizitave mjekësore. Të dy do t’i bashkohen menjëherë skuadrës për përgatitjet e sezonit. Partizani ka synuar përforcime në mesfushë pas afrimeve në mbrojtje dhe sulm. Nondi dhe Hjumen janë të gjatë 1.71 metra dhe përfaqësojnë respektivisht Kenian dhe Afrikën e Jugut. Ata do të luajnë si numër 6 dhe numër 10, duke shtuar cilësinë në repartin qendror.
