Tirana është pranë zyrtarizimit të një sulmuesi krahu, që synohet të rrisë cilësinë dhe shpejtësinë në repartin ofensiv.
Ky përforcim shihet si i rëndësishëm për të shtuar alternativat në lojën sulmuese të skuadrës. Pas fazës përgatitore në Greqi, ku ekipi zhvilloi miqësore dhe punoi në aspektin fizik e taktik, të hënën pasdite Tirana do të nisë stërvitjet në “Skënder Halili”.
Seancat do të shërbejnë për integrimin e afrimeve të reja dhe përsosjen e lojës para startit të kampionatit. Stafi teknik është shprehur i kënaqur me përmirësimet në mbrojtje dhe qarkullimin e topit. Megjithatë, drejtuesit mendojnë se nevojitet më shumë forcë në sulm, ndaj afrimi i lojtarit të krahut shihet si vendimtar.
Merkatoja pritet të mbyllet shpejt për të pasur grupin e plotë në nisje të sezonit. Objektivi i klubit është lufta për kreun dhe një paraqitje e mirë në kampionat.
