Paul Pogba është rikthyer në fushë pas një mungese 26-mujore, të shkaktuar nga dëmtimet dhe pezullimi për doping.
Mesfushori francez u aktivizua në minutën e 85-të të ndeshjes së Ligue 1 mes Rennes dhe Monaco, mes duartrokitjeve të publikut.
Takimi përfundoi me humbjen 4-1 të skuadrës së tij, edhe pse goli i Monacos erdhi pas hyrjes së tij në lojë. Prekja e parë e topit dhe një pasim i gjatë u pritën pozitivisht nga tifozët në “Roazhon Park”.
Pas përfundimit të ndeshjes, Pogba qëndroi i ulur në gjunjë për disa momente, përballë fushës. Më pas zhvilloi një tur të shkurtër para tifozëve kundërshtarë të Rennes, që e përshëndetën sërish.
Paraqitja e tij e fundit zyrtare ishte më 3 shtator 2023 në ndeshjen Empoli–Juventus.
