Problemet e brendshme dhe ndarja e dhomave të zhveshjes në dy grupe kanë çuar në shkarkimin e Xabi Alonsos nga drejtimi i Real Madridit.
Sipas “The Athletic”, tekniku spanjoll humbi mbështetjen e figurave kryesore të skuadrës muajt e fundit.
Lojtarë si Jude Bellingham, Federico Valverde dhe Vinicius Junior ishin pozicionuar kundër metodave të trajnerit, ku ky i fundit kishte shfaqur pakënaqësi publike që gjatë ndeshjes “El Clasico” në tetor.
Listës së lojtarëve të pakënaqur i shtoheshin edhe emra si Rodrygo, Brahim Diaz, Endrick dhe Ferland Mendy.
Nga ana tjetër, lojtarë si Kylian Mbappe, Arda Guler dhe Aurelien Tchouameni vazhdonin të ishin mbështetës të 44-vjeçarit. Kjo klimë tensioni detyroi bordin drejtues të ndërpresë bashkëpunimin në mes të sezonit.
