Java e 22-të në Kategorinë e Parë, u mbyll këtë të diel, me dy ndeshjet e fundit.
Pogradeci fitoi 2-0 ndaj Burrelit në fushën e vet. Skuadra liqenore zhbllokoi rezultatin në minutën e 12-të me Preknicaj pas një pasigurie të portierit kundërshtar.
Goli i dytë u realizua në startin e pjesës së dytë nga Ogunleye, ndërsa Burreli humbi një penallti në fund, të pritur nga Marin Stanic.
Me këtë sukses, Pogradeci ngjitet në kuotën e 43 pikëve në vendin e tretë, pesë më pak se Laçi i dyti, ndërsa Burreli mbetet i pesti me 30 pikë.
Në ndeshjen tjetër, Iliria mposhti 2-1 Lushnjën. Santi dhe Mavanga shënuan për vendasit në pjesën e parë, ndërsa Peqini ngushtoi diferencën në fraksionin e dytë. Iliria shkon në 29 pikë në vendin e gjashtë, ndërsa Lushnja mbetet në zonën e rrezikut me 20 pikë.
