Adrian Bajrami ka vendosur të largohet nga Kombëtarja shqiptare, duke zgjedhur të përfaqësojë Zvicrën.
Sipas “Albania Team” mbrojtësi kishte njoftuar prej fillimit të vitit FSHF-në për interesin e helvetëve dhe pakënaqësinë e tij për mungesën e aktivizimit. Drejtuesit e federatës e kishin bindur se ishte në planet e përfaqësueses kuqezi dhe i kërkuan të priste. Megjithatë, trajneri Silvinho nuk e mori në konsideratë për grumbullimet e fundit, duke mos i dhënë minuta në ndeshje.
Kjo ka ndikuar në vendimin e futbollistit për të ndërruar fanellën përfaqësuese. Largimi i tij shihet si një humbje për Shqipërinë, pasi Bajrami konsiderohej një element me potencial. Ky rast ngre pikëpyetje mbi mënyrën e menaxhimit të lojtarëve të rinj nga stafi teknik.
Trajneri Silvinjo ka humbur besueshmërinë e shumicës së lojtarëve, ndërsa në grumbullime dhe në lojë fut gjithmonë të njëjtët lojtarë.
