Liverpooli e ka nisur me këmbë të mbarë edicionin e ri të Premier League duke mposhtur Bournemouth me shifrat 4-2. Një pjesë e parë e nisur mirë nga vendasit që shënuan me Hugo Ekitike.
Në pjesën e dytë, Liverpool dyfishoi shifrat me Cody Gakpo, por Bournemouth gjeti fuqinë të barazonte rezultatin në “Anfield”. Falë dy golave të shënuar nga Semenyo, miqtë rikthyen baraspeshën.
Festa në “Anfield” shpërtheu në minutën e 88-të, ku Chiesa i ardhur nga stoli kaloi në epërsi sërish Liverpoolin. Ndërsa golin përfundimtar e shënoi Mohamed Salah në fundin e takimit.
